2016 жылдың 3 ақпанында «Туризм» мамандығының студенттері үшін интерактивті тренинг өткізілді. Өндірістік оқыту шебері Отарбаева Б.К. «Изумруд»  саяхат бюросының директоры Есембекова Гульмира Максутовнаны шақырды.

Гульмира Максутовна туристік салада 10 жылдан аса жұмыс өтілі бар маман бола отырып, өз тәжірибесімен бөлісті. Тренинг барысында ол студенттерге туристік агенттің тікелей жұмысына қатысты сұрақтар қойып отырды. Студенттер сұрақтарға белсене жауап беріп, өндірістік тәжірибеден өту мәселесін талқылады. Гульмира Максутовна қызықты фактілер айтып, өз жұмысына қатысты мысалдар келтірді.

Тренинг соңында бес үздік студент Түрік елінен келген туроператорлардың Астана Пекин Паласта өтетін презентациясына қатысуға шақыру алды.