18 ақпан күні 6-7 сынып оқушыларымен «Мен және менің құқығым» тақырыбы бойынша оқушылар арасындағы кикілжіңді шешу жолдары қарастырылды. Оқушылар көріністе достар арасындағы түсінбеушіліктің аяғы ренжісуге әкелгенін көрсетті. Көрермен оқушылар осы тығырықтан шығу жолдарын, әр оқушының іс-әрекетіне болжам жасап, өз ойларын ортаға салды. Бөбек білім беру орталығының тренері Сәуле Ғұбайдуллақызы осы сабаққа қатысып, тренинг өткізді.Тренинг барысында оқушылармен бақытқа жету жолдары айтылды. Түрлі шырғалаңды мәселелерді шешу,сондай-ақ оқушылардың арасында татулық пен достықтың берік болуы кішіпейілділікте екенін айтты. Сабақ барысында алған психологиялық кеңестер оқушылардың өміріне сабақ болады деген үміттеміз.