Астана қаласының 58 мектеп-гимназия ұжымы қалыптасқан игі үрдіс бойынша биылғы жылы да жаңа оқу жылын жарасымды түрде қарсы алды. Алғашқы қоңырау салтанатты кешіне мектеп табалдырығын жаңа аттаған бүлдіршіндерден бастап, мектеп ұстаздары, ата-аналар және құрметті қонақтарымыз қатысты. Ең алғаш құттықтау сөзін алған мектебіміздің директоры Самал Ботақанқызы жас бүлдіршіндеріміз бен ата-аналарға, келген қонақтарымызға өзінің жылы лебізін білдірді. Сонымен қатар, мектебіміздің осы уақытқа дейінгі жеткен жетістіктерімен, былтырғы оқу жылының қорытындысымен таныстырып, білім саласындағы оң өзгерістерге тоқталып кетті. Астана қаласы Білім асқармасынан келген қонағымыз – Манап Кеңесқызы мен ата-аналар атынан сөз сойлеген ағамыз да өздерінің жүрекжарды тілектерімен бөлісті.

Биылғы оқу жылында аталмыш білім ордасының табалдырығын 350 жас бүлдіршін аттады. Білім баспалдағын бірінші рет аттағалы отырған осы балақайларды қарсы алу рәсімімен басталған салтанатты жиында сағындырған алғашқы қоңырау үні де сыңғырлап, 2016-2017 оқу жылының алғашқы сабағы «Мен өз елімнің патриотымын» атты тақырыпта  жалғасты.