Қазіргі уақытта цифрлық технологиялардың дамуына және адам қызметінің барлық салаларын цифрландырудың жеделдетілген қарқынына байланысты STEAM- білім беру жүйесінің барлық деңгейлерінде ерекше назар аударуды талап ететін маңызды және өзекті мәселе болып табылады.

Бүгін, 2024 жылғы 29 наурызда Солтүстік Қазақстан облысының делегациясы «Қазақстандағы STEAM-білім беруді дамыту стратегиясы мен практикасы» республикалық ғылыми –практикалық конференциясына қатысты.

Конференция аясында 6 секция жұмыс істеді сонымен қатар республикалық және халықаралық конкурстар жеңімпаздарының, жүлдегерлерінің үздік жобалары ұсынылды. Сондай-ақ, іс - шара қонақтары үшін мектепке дейінгі білім берудегі STEAM, балалардың шығармашылық қабілеттерін дамыту технологиясы, мектепте STEAM-зертханаларын ұйымдастыру бағыттары бойынша бірқатар шеберлік сыныптары өткізілді.

Конференцияда ұсынылған баяндамалар қонақтардың қызығушылығын арттырды. Олардың әрқайсысы өзіне керек тақырыбын таба алды.

Конференция үздік жұмыстарды марапаттаумен аяқталды.