28 қазанда Қожаберген жырау атындағы № 6 орта мектебінің базасында кітапханашылар күніне арналған мерекелік іс-шара өтті.

Ақан сері атындағы облыстық филармонияның әртістері мен «Туған жер» би ансамблі мерекеге қатысушыларға көптеген әсерлер мен эмоциялар сыйлады.

Марапаттау рәсімінде облыстың бірқатар кітапханашылары әдістемелік орталықтың Алғыс хаттарымен марапатталды.

Сол күні офлайн режимде алғаш рет «Менің мамандығым – кітапханашы» кәсіби шеберлік байқауының облыстық кезеңі басталды. Байқауға қатысушылар әр кітапханашы қызметінің негізгі бағытын – кітап пен оқуды ілгерілету, эрудиция мен құзыреттілік, жеке шығармашылық стильді көрсетті.

Байқау қорытындысы бойынша жеңімпаздар анықталды:

I орын - Боқанова Әсел Құдайбергеновна, Шал ақын ауданының «Қаратал орта мектебі» КММ кітапханашысы;

II орын - Жоламанова Гүлнара Бектұрсынқызы, Қызылжар ауданының «№ 3 Бескөл орта мектебі» КММ кітапханашысы;

II орын - Коваленко Елена Анатольевна, Ғ. Мүсірепов атындағы ауданның «Пески орта мектебі» КММ кітапханашысы;

III орын – Кондратьева Юлия Васильевна, Қызылжар ауданының «Пресновка орта мектебі» КММ кітапханашысы.

Іс-шараны өткізуге қолдау көрсеткені үшін «Көкжиек-Горизонт» ЖШС баспасына, «Мағжан Жұмабаев кітап үйі» ЖШС директорына алғысымызды білдіреміз.