Ағымдағы жылдың 5 қарашасында Алматы қаласында біздің облыстың мектепке дейінгі ұйымдары педагогтерінің делегациясы «Мектепке дейінгі тәрбие және оқыту ұйымдарындағы жобалық қызмет» тақырыбында республикалық ғылыми-әдістемелік конференцияға қатысты.

Педагогтер Алматы қаласының 17 мектепке дейінгі ұйымдарындағы жобалық студиялардың жұмысымен танысты. Іс-шара аясында Солтүстік Қазақстан облысының жобалау қызметіндегі жұмыс тәжірибесін Петропавл қаласының «Ақ бота» б/б меңгерушісі Әбілова Жанна Еркенқызы және «Әдістемелік орталық» КММ әдіскері Бекмұратова Айнұр Жәнібекқызы ұсынды.

Конференция тәжірибе алмасу, өзекті мәселелерді талқылау және мектепке дейінгі білім беру саласында, атап айтқанда жобалау қызметі саласында инновациялық тәсілдерді ілгерілету үшін маңызды платформаға айналды.