⚜️2025 жылғы 24 қараша мен 5 желтоқсан аралығында Солтүстік Қазақстан облысының 15 жастағы оқушылары ЭХЫҰ «Мектептерге арналған PISA» халықаралық зерттеуіне қатысты.
Қазақстан бойынша 1000 білім беру ұйымдарының арасында біздің өңірден зерттеуге 15 мектеп, оның ішінде «Дарынды балаларға арналған «БІЛІМ-ИННОВАЦИЯ» облыстық мамандандырылған лицей-интернаты» КММ, Петропавл қаласының 7 мектебі, М. Жұмабаев атындағы аудандар, Шал ақын, Ақжар, Уәлиханов, Қызылжар, Есіл және Айыртау аудандарының мектептері қатысты.
Зерттеу сауаттылықтың үш бағыты бойынша негізгі дағдыларды бағалайды: оқу, математика және жаратылыстану, жеке білім беру ұйымдары деңгейінде сыртқы бағалаудың жан-жақты көрінісін қамтамасыз етеді. Бұл сонымен қатар оқушылардың оқу үлгеріміне әсер ететін факторларды анықтауға мүмкіндік береді. Өткізілу қорытындысы бойынша әрбір мектеп жүргізілген зерттеуді талдаумен және білім алушылардың функционалдық сауаттылығын дамыту бойынша ұсынымдармен жеке есеп алады.