⚜️01 сәуірде «Жасанды интеллектті дамыту жағдайындағы ағылшын тілі мұғалімдерінің авторлық педагогикалық тәжірибесі» онлайн-семинары өтті.

Кездесу барысында заманауи технологияларды пайдалана отырып, педагогтердің ағылшын тілін оқытудағы тиімді тәжірибелері мен авторлық тәсілдері ұсынылды. Қатысушылар жасанды интеллект құралдарын білім беру процесіне біріктіру мүмкіндіктерін, олардың оқыту сапасына әсерін және оқушылардың негізгі құзыреттіліктерін дамытуды талқылады.

Педагогикалық даралықты сақтау, сыни ойлауды дамыту және білім берудің цифрлық трансформациясы жағдайында білім алушылардың уәждемесін арттыру мәселелеріне ерекше назар аударылды.

Семинар кәсіби диалогқа, тәжірибе алмасуға және уақыт талабына сай жаңа шешімдер іздеуге арналған алаңға айналды.